Նախաձեռնող, իրագործող, կամավոր երիտասարդների («ՆԻԿԵ» ) ջոկատ:
«ՆԻԿԵ» ջոկատը կազմավորվել է 2007 թ-ին:
Ջոկատում ընդգրկված են ԵՊՀ տարբեր ֆակուլտետներում սովորող այն ուսանողները, ովքեր համաձայնվել են կամավոր սկզբունքով աջակցել Մշակույթի կենտրոնի տարատեսակ աշխատանքներին: Ջոկատը պաստառների փակցման և կուրսերում հայտարարությունների տարածման միջոցով ապահովում է ուսանողների տեղեկացվածությունը Մշակույթի կենտրոնում կայանալիք բազմաբնույթ միջոցառումների վերաբերյալ: Ջոկատի անդամները միջոցառումների ժամանակ իրականացնում են նաև տարբեր կազմակերպչական, համակարգման աշխատանքներ: Ջոկատը քննարկում է խմբի անդամների մտահաղացումներն ու նախաձեռնությունները և իրականացնում դրանցից լավագույնները: Պետք է նշել, որ «ՆԻԿԵ» ջոկատի նախաձեռնությամբ 2010 թվականի հունիսի մեկին` երեխաների պաշտպանության միջազգային օրը, կազմակերպվել էր գեղեցիկ միջոցառում ԵՊՀ կենտրոնական մասնաշենքի բակում: Ջոկատի անդամները հանդիսանում են նաև ԵՊՀ Շառլ Ազնավուրի անվան մշակույթի կենտրոնի կինոակումբի ակտիվիստներ, և պարբերաբար մասկակցում են ֆիլմերի ցուցադրություններին, քննարկումներին, ինչպես նաև ռեժիսորների, արվեստագետների ու մշակութային կյանքի կարկառուն ներկայացուցիչների հետ հանդիպումներին:
2017թ. -ից ջոկատի անդամները «Մշակութային դաստիարակություն» ծրագրի շրջանակներում այցելություններ են իրականացնում կերպարվեստի ներկայացուցիչների արվետսանոցներ:
Գյումրու «Երիտասարդական նախաձեռնությունների կենտրոն» ՀԿ-ն (YIC Gyumri), Հայաստանում «Erasmus+ երիտասարդություն» և «Եվրոպական համերաշխության կորպուս» ծրագրերի տեղեկատվական կենտրոնի, ՍԱԼՏՈ Արևելյան Եվրոպա և Կովկաս ռեսուրսային կենտրոնի հետ համատեղ դեկտեմբերի 5-ին Կամավորների միջազգային օրը անցկացրել է մրցանակաբաշխություն, որտեղ ԵՊՀ Շառլ Ազնավուրի անվան մշակույթի կենտրոնի «ՆԻԿԵ» ջոկատի անդամներից մեկը ընտրվել է լավագույն 20 կամավորների մեջ և արժանացել՝ «Տարվա կամավոր» կոչմանը:
«ՆԻԿԵ» ջոկատը համալրվում է յուրաքանչյուր կիսամյակ:
Ջոկատի հետ հանդիպումներն անցկացվում են շաբաթը մեկ անգամ: Ներկայումս ջոկատն ունի 25 ակտիվ անդամ:
«ՆԻԿԵ» ջոկատի համակարգողն է Տաթևիկ Թիլիքյանը:
