•  Ընդունելությունը.

Ընդունելությունը կատարվում է համաձայն  ՀՀ կառավարության  կողմից հաստատված ընդունելության կարգի։   

Ընդունելության համար դիմորդը իր ընտրությամբ քննություններ է հանձնում «Կենսաբանություն» կամ «Ֆիզիկա» կամ «Քիմիա» առարկաներից երկուսը:

• Ծրագրի նպատակն է.

Պատրաստել միջազգային չափորոշիչներին համապատասխանող բարձրորակ  դեղագետ մասնագետներ, ովքեր օժտված կլինեն ոլորտի հիմնարար գիտելիքներով, կարողություններով և գործնական հմտություններով, ինչը հնարավորություն կտա նրանց մատուցել դեղագործական ծառայությունների ողջ սպեկտրը ֆարմացիայի տարբեր ճյուղերում (հանրություն, դեղարտադրություն, առողջապահական կենտրոններ, դեղերի փորձագիտական կենտրոններ, լաբորատորիաներ և այլն):

• Ծրագրի կրթական վերջնարդյունքները.

     Ծրագրի ավարտին ուսանողն ունակ կլինի՝

Գիտելիք և իմացություն

• Ներկայացնել ֆարմացիայի, առողջապահության  և հարակից ոլորտների մասնագիտական աշխատանքի առանձնահատկությունները, ուսումնառության արդի ու հիմնարար հասկացությունները, տեսությունները և մեթոդները:
• Ներկայացնել դեղերի և դեղագործական հումքի նախագծման, ստեղծման, պատրաստման, անալիզի, շրջանառության սկզբունքները:
• Սահմանել ֆարմացիայի, առողջապահության ոլորտի, կենսաբժշկական և հարակից բնագավառներում հետազոտական աշխատանքի կատարման հիմունքները:

Հմտություններ

• Ցուցաբերել նորարարական ու առաջադեմ մոտեցումներ՝ կիրառելով ձեռք բերած գիտելիքը և իմացությունը ֆարմացիայի, առողջապահության և հարակից ոլորտներում մասնագիտական աշխատանքի կամ ուսումնառության ընթացքում ծագած անկանխատեսելի խնդիրները լուծելիս:
• Ներկայացնել և բացատրել ֆարմացիայի և առողջապահության ոլորտին առնչվող տեղեկատվությունը, փաստարկները, գաղափարները, խնդիրները և դրանց լուծումները գործընկերներին, առողջապահության բնագավառի այլ մասնագետներին և ազգաբնակչությանը:
• Հավաքել, պահպանել, մշակել, վերլուծել, մեկնաբանել և ներկայացնել տեղեկատվությունը՝ մասնագիտական  խնդիրների լուծման նպատակով աշխատանքը դյուրացնելու համար՝ կիրառելով արդի տեղեկատվական տեխնոլոգիաները:

Կարողություններ

• Բացահայտել և լուծել մասնագիտական խնդիրներ վերլուծության և համադրության հիման վրա՝ կիրառելով քննադատական մտածողություն, հետազոտական և ստեղծագործական մոտեցում:
• Աշխատել թիմում և արդյունավետ համագործակցել թիմի անդամների հետ՝ պահպանելով էթիկայի և վարվելակերպի նորմերը:
• Օգտվել մասնագիտական ոլորտի նորմատիվ իրավական փաստաթղթերից:
• Իրականացնել և կառավարել մասնագիտական գործառույթներ ու ծրագրեր անկանխատեսելի աշխատանքային կամ ուսումնական միջավայրում` թիմային աշխատանքում ստանձնելով պատասխանատվություն առանձին անհատների համար:
• Որոշել հետագա մասնագիտական զարգացման կամ աշխատանքի ուղիները: 

• ՈՒսումնական պլանը․

Ծրագրի ուսումնական պլանը հասանելի է այստեղ.

• Շրջանավարտների ապագա կարիերայի հնարավորությունները.

«Ֆարմացիա» բակալավրի կրթական ծրագրի շրջանավարտները կարող են աշխատանքի անցնել դեղագործության և դրան հարակից մասնագիտական ոլորտներում գործող հետևյալ կառույցներում`

• Հանրային և հիվանդանոցային դեղատներ (դեղագետ),
• Դեղերի շրջանառության ոլորտը կարգավորող մարմիններ և կառույցներ (ՀՀ  առողջապահության նախարարություն, Առողջապահական տեսչական մարմին,
• Դեղերի և բժշկական տեխնոլոգիաների փորձագիտական կենտրոն և այլն),
• Դեղերի արտադրությունում,
• Արտասահմանյան մատակարարների/դեղարտադրողների հայաստանյան ներկայացուցչություններում (դեղագետ-ներկայացուցիչ),
• Գիտահետազոտական հաստատություններում,
• Դեղագործական կրթություն պահանջող այլ ոլորտներում:

Ծրագրի շրջանավարտները կարող են «Ֆարմացիա» մասնագիտությամբ շարունակել իրենց ուսումը ինչպես ԵՊՀ Ֆարմացիայի ինստիտուտի մագիստրատուրայում, այնպես էլ ԵՊԲՀ-ի և ՀՀ ԳԱԱ տարբեր մասնագիտական ինստիտուտների մագիստրատուրայում, Հայաստանի Ամերիկյան համալսարանում և այլն:

• Ուսումնառության օժանդակության ռեսուրսները և ձևերը. 

Ֆարմացիայի ինստիտուտում գործում են երեք մասնագիտական ամբիոններ, որոնք հագեցած են դեղատնային և անալիտիկ ժամանակակից սարքավորումներով  կահավորված  ուսումնական և ուսումնագիտական լաբորատորիաներով (դեղատնային և գործարանային տեխնոլոգիայի, դեղաբանության, դեղագրքային անալիզի, դեղագիտական քիմիայի, և այլն) և աշխատասենյակներով: