"ԱՅՑԵԼՈՒԱԿԵՆՏՐՈՆ ՀՈԳԵԹԵՐԱՊԻԱ"

/ԴԱՍԸՆԹԱՑ ՀՈԳԵԲԱՆՆԵՐԻ ԵՎ ՀԱՐԱԿԻՑ ՄԱՍՆԱԳԵՏՆԵՐԻ ՀԱՄԱՐ/

Մշակող և վարող հոգեբանական գիտությունների թեկնածու, դոցենտ Իրինա Խանամիրյան։

Դասընթացի նկարագրություն։ Այցելուակենտրոն հոգեթերապիան Կ․Ռոջերսի կողմից առաջարկված մոտեցում է և հանդիսանում է հոգեթերապևտիկ հիմնական ուղղություններից մեկը։ Ռոջերսյան մոտեցման համաձայն յուրաքանչյուր մարդ եզակի է, արարող, զարգացող, ունի հարուստ ներուժ, գտնվում է մշտական աճի և ինքնակատարելագործման  գործընթացում։ Որոշակի հանգամանքներից ելնելով /դաստիարակություն, շրջապատի ոչ ճիշտ մոտեցումներ և այլ/՝ մարդը կորցնում է իր իրական ես-ի նկարագիրը, կորցնում է հավասարակշռությունը և կապն ինքն իր հետ։ Համապատասխան պայմանների առկայության դեպքում հնարավոր է վերականգնել այցելուի կոնգրուենտությունը, բարձրացնել ինքնաճանաչման մակարդակը, բացահայտել թաքնված և օգտակար ներուժը, որը թույլ կտա այցելուին արդյունավետ կյանք վարել։

Դասընթացի նպատակը՝ ծանոթացում այցելուակենտրոն հոգեթերապիայի հիմնարար և սկզբունքային գաղափարների հետ, ինչպես նաև տվյալ ուղղությամբ աշխատելու համար կարևոր և անհրաժեշտ հմտությունների ձևավորում և մարզում։

Դասընթացը նախատեսված է հոգեբանների, հոգեթերապևտների, ինչպես նաև հարակից մասնագետների համար, ովքեր կարող են և ցանկանում եմ կիրառել այցելուակենտրոն հոգեթերապիայի գաղափարներն ու սկզբունքները իրենց աշխատանքում։

Դասընթացի կառուցվածք։  Դասընթացը բաղկացած է երեք փուլից։ Այն ներառում է տեսական և գործնական գիտելիքների, ինչպես նաև հոգեթերապտների անձնային աճին ուղղված մասնաբաժիններ։ Իրականացվում է ինտերակտիվ մեթոդներով։

Փուլերի ամբողջական տևողությունը՝ 128 ժամ, որոնցից 32 ժամ առաջին փուլ և 48 ժամ երկրորդ փուլի և 48 ժամ երրորդ փուլերի համար։

ՓՈՒԼ I "ԵՍ ՈՐՊԵՍ ՀՈԳԵԹԵՐԱՊԵՎՏ" ԱՆՁՆԱՅԻՆ ԱՃԻ ԽՈՒՄԲ

Հոգեբանական և հոգեթերապևտիկ կայացման ճանապարհը բավական երկարատև կրթության փուլ է նախատեսում։ Այս ճանապարհին գիտելիքների և հմտությունների զարգացման հետ մեկտեղ կարևորագույն պայմաններից մեկը մասնագետի ինքնաճանաչումն ու ինքնաբացահայտումն է։ Սա այն անհրաժեշտ պայմաններից է, որը հետագայում ապահովում է արդյունավետ հոգեթերապևտիկ ընթացք և նախապայման է հանդիսանում չվնասելու և չվնասվելու համար։

Տվյալ փուլը նախատեսված է հոգեբանների, հոգեթերապևտների, հարակից ոլորտում աշխատող մասնագետների համար, ում գործունեությունը իրականացվում է մարդ-մարդ համակարգում։

Այս դասընթացի նպատակն է մասնակիցներին մասնագիտական ինքնաճանաչման և ինքնազարգացման հնարավորություն ընձեռնել։

Դասընթացը հնարավորություն է տալու անդրադառնալ հետևյալ հարցեին՝

• Ո՞րն է իմ նպատակը տվյալ մասնագիտության մեջ
• Ի՞նչ պահանջմունքներ ու ցանկություներ ունեմ ես այս մասնագիտության մեջ
• Ի՞նչ եմ ես ներդնում հոգեթերապևտիկ գործընթացի մեջ
• Անդրադարձ հարաբերություններ սեղծելու սեփական կարողություններին
• Ինչպե՞ս եմ ես աշխատում հուզական բարձր ճնշման տակ
• Ինչպե՞ս եմ հաղթահարում իմ կյանքի դժվարությունները
• Ինչպե՞ս եմ արտահայտում հույզերս, զգացմունքներս
• Դիմադրություն․ ինչպե՞ս եմ դիմադրում այցելուին
• Կոնգրուենտություն․ ինչպես կարող եմ հասնել կոնգրուենտության թերապևտիկ գործընթացում
• Ինչպե՞ս եմ սահմաններ հաստատում
• Ինչպիսի՞ հոգեթերապևտ կցանկանայի լինել և այլ։

Փուլի տևողությունն է 32 ժամ /շաբաթական 3-4 ժամ/։

Թրենինգի արժեքը`

ԵՊՀ ուսանողներ- 40000

Այլ բուհի ուսանողներ- 48000

Հարակից մասնագետներ- 56000

Տվյալ փուլը չի ենթադրում հետագա պարտադիր շարունակություն դասընթացին, սակայն այն պարտադիր է <<Այցելուակենտրոն հոգեթերապիա>> դաընթացի հետագա փուլերին մասնակցության համար։

ՓՈՒԼ II "ԱՅՑԵԼՈՒԱԿԵՆՏՐՈՆ ՀՈԳԵԹԵՐԱՊԻԱ․ ՀԻՄՆԱՐԱՐ ԳԱՂԱՓԱՐՆԵՐ ԵՎ ՀՄՏՈՒԹՅՈՒՆՆԵՐ"

Դասընթացի ծրագիր

Փուլի Տևողությունը՝ 48 ժամ

Թրենինգի արժեքը`

ԵՊՀ ուսանողներ- 42000

Այլ բուհի ուսանողներ- 54000

Մասնագետներ- 72000

ՓՈՒԼ III “ԱՅՑԵԼՈՒԱԿԵՆՏՐՈՆ ՀՈԳԵԹԵՐԱՊԻԱՆ ԳՈՐԾՆԱԿԱՆՈՒՄ”

Այս փուլում մասնակիցներին կառաջարկվի իրական այցելուի հետ 12 հանդիպումներում փորձարկել ձեռք բերված հմտությունները և գիտելիքները և զուգահեռաբար  անցնել ինտենսիվ սուպերվիզիա։

Փուլի տևողությունը՝ 48 ժամ

Թրենինգի արժեքը`

ԵՊՀ ուսանողներ- 42000

Այլ բուհի ուսանողներ- 54000

Մասնագետներ- 72000