Եվրամիության համաֆինանսավորմամբ Էրազմուս+ «Դոկտորական կրթության բարեփոխումը Հայաստանում՝ ակադեմիական համայնքի, արդյունաբերության պահանջներին և ԵՄ փորձին համապատասխան» (ARMDOCT) ծրագրի առաջին փաթեթի (WP1) շրջանակներում համագործակից ՀՀ 9 բուհերում և գիտահետազոտական ինստիտուտներում կստեղծվեն լսարաններ դասախոսների, հետազոտողների, ասպիրանտների համար՝ հետազոտական աշխատանքների իրականացման, վարպետության դասերի, թրեյնինգների և այլ միջոցառումների անցկացման նպատակով։

 

 

Աշխատանքային տվյալ փաթեթը համակարգում է Հայաստանում Ֆրանսիական Համալսարան
-ը, որտեղ էլ 2020թվականի սեպտեմբերի 16-ին կայացավ սարքավորումների մատակարարների ընտրության ավարտական փուլը։

 

Ըստ հանձնաժողովի ընտրության արդյունքների՝ «Բրենդ Քոմփյութերս» ընկերությունը կմատակարարի համակարգչային տեխնիկա (Լոտ 1), իսկ «Ֆիրմա Ալֆա»-ն՝ պրոյեկտորներ և սենսորային այլ համակարգեր (Լոտ2)։

 

 

Դե ինչ, սպասենք հետազոտողների համար նախատեսված համակարգչային և այլ սրահների ձևավորմանը և նկարներին!